Асқар Тоқпанов атындағы Жамбыл облыстық қазақ драма театры 1 маусым – Халықаралық балаларды қорғау күніне орай Тараз қаласындағы, Әдемі-ай балабақшасында көшпелі қойылыммен Сантөре Пірмановтың «Алтын жұмыртқа» ертегісін сахналады.
Ертегі оқиғасында түрлі аңдар мен жануарлар кейпіндегі балалар елге ырыс, бақ, жақсылық әкелетін Бақ құсының дүниеге келуін асыға күтіп, ормандағы ұшар биік ағаш басында орналасқан Алтын Жұмыртқаны көздерінің қарашығындай сақтап, күзетіп жүреді.
