Бүгін Асқар Тоқпанов атындағы Жамбыл облыстық қазақ драма театры Б.Бекжановтың «Айболит пен қарақшы» атты ертегі-қойылымын сахналады.
Аталған қойылымға жалпы көрермендермен қатар, Мүгедектер күніне орай қайырымдылық шара ретінде мүмкіндігі шектеулі балалар мен жастар да шақырылды.
Қайырымдылық қойылымға көрермен ретінде келген мүмкіндігі шектеулі жандар қатарында, сондай-ақ, Тараз қаласы әкімдігінің жұмыспен қамту және әлеуметтік бағдарламар бөлімінің «Балалар мен 18 жастан асқан адамдарға үйде әлеуметтік көмек көрсету бөлімшесі» тарапынан жіберілген балалар мен жастар да болды.
Театр тарапынан мүмкіндігі шектеулі жандарды қайырымдылық қойылымдарға шақыру іс-шарасы алдағы уақыттағы атаулы және мереке күндері де өз жалғасын табатын болады.
