22 қаңтар күні Жамбыл облыстық қазақ драма театры №30 мектепке көшпелі қойылыммен «Ертегілер еліне саяхат» атты ертегісін көрсетті. Ертегі оқиғасында тышқан, қабан, бостың достарын қаратүнек патшайымы Малефисента ұрлап әкеткендіктен, достары бірігіп құтқару үшін көмектеседі. Бұларға сиқырлы шамнан шыққан құлпері көмектесіп, Малефисентаның ұрланған қанаты қайтарылады. Оның тас боп қатқан жүрегі шуаққа бөленеді. Ертегі соңында барлығы достасып, болашақ ертегі әлеміне аттанады. Ертегінің авторлары, театрдың белгілі өнер майталмандары - Сантөре Пірманов пен Анар Сағымбекова.