2020 жылдың 21 ақпаны, жұма күні кешкі сағат 19.00-де Жамбыл облыстық қазақ драма театрында сазгер, әнші ЖАННАР МОЛДАБЕКОВТІҢ «Туған жерге сағыныш» атты шығармашылық ән кеші өтеді.

Сазгер Жаннар Молдабеков еліміздің ән өнерінде «Аңсадым сені», «Ғашық сезім», «Күндер қайда?!», «Таласыма еркелеймін», «Қызыл алма», «Ұстазыма» «Ойығым!», «Туған жерге сағыныш» атты әндерімен танымал. Ол әндер республикамыздың белгілі әншілері Мұқасан Шахзадаев, Бақытқали Қонысбаев, Ләззат Байырбекова, Қарлығаш Қожағазина, Бағжан Ерғайып, Сәуле Желдібаева, Қуаныш Байжиенов, Мадина Сағымбековалардың, «Азия» тобының және басқа да эстрада жұлдыздарының орындауында өнерсүйер қауымға белгілі.