Бүгін халықаралық театр күні. Сахна саңлақтарының төл мерекесі. Елбасына күн туған сын сағатта өнер адамдары да ешуақытта қалыс қалған емес. Екінші дүниежүзілік соғыс кезінде Роза апаларымыз майдан даласындағы жауынгерлердің рухын көтеріп алғы шептерде тамағынан қан кеткенше концерт бергенін тарихтан білеміз. Ал мынадай алма ғайып қиын шақта Жамбыл облыстық Асқар Тоқпанов атындағы қазақ драма театрының жастары өз қарыжыларына маска тігіп, қала халқына тегін таратуды қолға алып отыр. Өнерімен де, өнегелі ісімен де алда келе жатқан Тоқпанов театрының жастарына "мерекелерің құтты болсын дей отырып, қайырымды істерің Алланың шапағатына бөленсін дейміз.