10-11 қараша күндері сағат 11.00-де Асқар Тоқпанов атындағы Жамбыл облыстық қазақ драма театрында Ж.Омаровтың «Құлыншақ» ертегі-қойылымы болады.

Коронавирус індетінің әлі де толастамай отыруына байланысты сан жағынан шектеулі ғана, 50-ге жуық көрермендердің қатысуымен өтеді. Барлық келушілер мен көрерменнің арнайы медициналық маска тағып келуі міндетті. Ж.Омаровтың балаларға арналған «Құлыншақ» атты ертегі қойылымында Құлыншақ пен Бөлтіріктің достығы қызықты оқиғалармен баяндалады. Ертегі оқиғасы балаларды өзара достық пен ынтымаққа, татулыққа, бірлікке тәрбиелейді.