11 қараша күні Асқар Тоқпанов атындағы Жамбыл облыстық қазақ драма театрында Ж.Омаровтың «Құлыншақ» ертегі-қойылымы сахналанды.
Уақытша шектеулерге байланысты сан жағынан 50-ге жуық көрермендердің қатысуымен өтті. Ж.Омаровтың балаларға арналған «Құлыншақ» атты ертегі қойылымында Құлыншақ пен Бөлтіріктің достығы қызықты оқиғалармен баяндалады. Ертегі оқиғасы балаларды өзара достық пен ынтымаққа, татулыққа, бірлікке тәрбиелейді.