9 мамыр — Жеңіс күні Асқар Тоқпанов атындағы Жамбыл облыстық қазақ драма театрының артистері Тараз қаласы аумағында белгіленген маршрут бойынша  "Ұлы Жеңіс жаңғырығы"  жылжымалы Жеңіс экипажы мерекелік акциясын ұйымдастыруды  одан әрі жалғастырды. Аталған экипаж мүшелері Тараз қаласындағы  "Жеңіс" саябағында облыс әкімдігінің  мәдениет, архивтер және құжаттама басқармасының, облыстық қазақ және орыс драма театрларының  басшыларымен және қызметкерлерімен кездесіп, басқарма басшысы Е.Жүнісбай,  театр директорлары А.Тажиев, М.Акурпиковтердің  жол бастауымен    Жеңіс саябағындағы Бауыржан Момышұлының ескерткішіне  гүл шоқтарын қойды, Ұлы Отан соғысы батырлары мен ардагерлерінің рухына тағзым етті!