Үстіміздегі жылғы​ ҚР​ Тәуелсіздігінің​ 30 жылдық, Ұлы жырау Жамбыл Жабаевтың 175 жылдық мерекелері аясында Асқар Тоқпанов атындағы Жамбыл облыстық қазақ драма театры кезекті көшпелі қойылымын 3-маусым күні, Жамбыл аудандық мәдениет үйінде - Б.Жакиевтің «Жүрейікші, жүрек ауыртпай» трагикомедиясын сахналаумен жалғастырды.

Қоюшы-режиссері: белгілі режиссер, Ш.Айтматов атындағы сыйлықтың лауреаты – Қуандық Қасымов. ​ Қойылымға ауыл тұрғындары тегін қатысты.

Биылғы жыл көлемінде​ облыс​ аудандары мен ауылдарына жүйелі түрде​ гастрольдік сапармен шығып, ауыл мектептерінде, мәдениет үйлері мен ауыл клубтарында ​ бүгінгі ұрпақты​ жоғары рухани құндылықтарға, отаншылдыққа, туған елі мен жерін сүюге, оның тарихын жетік танып-білуге, достық пен бірлікке, еңбексүйгіштікке​ тәрбиелеуге​ игі ықпалын тигізетін​ сахналық қойылымдар қою мақсаты көзделіп отыр.​